فضيحه من النوع الثقيل من الممكن انها تتكرر مره ثانيه استرها علينا يارب
حارس المرمي المصري احمد شوبير هو كان اكثر لاعب في المباراة استحواذاً علي الكره !!
ايوة بالفعل حارس المرمي كان أكتر لاعب استحوذ علي الكورة !
المنتخب المصري كان بيلعب باسلوب دفاعي بحت.. اللاعب ياخد الكوره يرجعها برجله يقوم شوبير ماسكها يتمشي بيها شويه.. وبعدين يلعبها لمدافع يمشي بيها خطوتين وبعدين يرجعها لشوبير يقوم شوبير ماسكها تاني!ا
حتي الكورنر الوحيد لمصر فى الماتش اتلعبت الكورة لاسامة عرابى و هو رجعها لشوبير ...
جاك تشارلتون مدرب ايرلندا.. بعد الماتش قال انا كرهت كرة القدم .. لما المصريين مش عاوزين يلعبوا كوره جايين كاس العالم ليه..؟😂😂
بعد اللي حصل في الماتش ده.. الفيفا اصدر قانون منع حراس المرمي من مسك الكره اللي راجعه بالرجل من المدافع
عشان تعرفوا ان احنا جامدين وبنغير ف قوانين الفيفا وتحمدوا ربنا ان احنا مش بنوصل كاس العالم عشان منفضحش نفسنا.
بس تقريبا كده هنوصل ان شاء الله النهارده
.
