من سنة بالظبط مريت بتجارب صعبة تجارب تكسر اي حد و تجيبه الارض تجارب شيلتها لوحدي تماماً فجأة بتتحط في مكان و حدث غريب عنك متعرفش وصلت لكده ازاي متعرفش غير انك فيه و لازم تواجهه لحظة كل شئ بيتقلب مش اكتر من لحظة و يا تكون قد اللي فيه يا تنتهي و تروح مع كل حاجة راحت
و انا أخترت اكون قد كل حاجة مريت بيها و مسمحش لحاجة تكسرني الحقيقة انا ممتن جداً للتجارب دي علي قد ما اضافت و خدت لكن ممتن ليها ممتن للفترة دي من حياتي الفترة اللي عمري ما هنساها يمكن خلتني اقسي من اي وقت و خلت علاقتي بناس كتير صعبة لكنها سبب قوي يخليني متكسرش بأي شكل من الاشكال
التجارب الصعبة و المستحيلة هي السبيل الوحيد للأستمرارية و انك تكمل اي شئ هي اللي بتصنع موهبتك الفريدة و الحقيقية انا ممتن لنفسي اني متنازلتش و عافرت و كنت صادق في كل حاجة عملتها حتي لو مدتنيش نتيجة كويسة يكفي اني حاولت عشاني ..
