دعاء الام لابنها بالتوفيق

هات ايدك يابني انا امشيك
متخفش من حاجه
تعال ف حضني انا اخبيك
خد كل يا حبيبي عشان تكبر
بردان يولدي استني انا اغطيك
خد دول يا حبيبي اصرفهم
ولما تعوز تاني تعال انا اديك
كده برضو طينت هدومك
تعال طب لما احميك
خد بالك م الحفره اللي قصادك
متعديش انا جايه اعديك
كبرت ماشالله عليك
ومن بكره هتروح مدرستك
عايزاك تبقي اشطر واحد ف اللي حواليك
من ايه يا حبيبي زعلان
اضحك انا عيزاك دايما فرحان
وصحيانها ف الليل تدعيلي
وتعبها عشان تعلمني
وتداري خنقه صوتها لما تكلمني
عشان متغرب ومش عايزه تزعلني
وشوقها ليا وخوفها عليا
عمر ما حد ف الدنيا هيحبني كد امي
وانا عمري ما هحب حد زيك ف حياتي
ولا في ف الدنيا هدايا تكفيكي
ياخد ربنا من عمري يا امي ويديكي
يا احن واعظم ام